தங்களது இஸ்திரி செய்யப் பட்ட உடைகளது ஒரு மடிப்புக் கூட கலையாமல்,உடல் உழைப்பையும், அதனுடன் கூடிய கடும் முயற்சி,வியர்வை மற்றும் புழுதி ஆகியவற்றைத் தவிர்த்து, குளிர் சாதனம் பொருத்தப் பட்ட அறைகளில் சொகுசாக வாழ்க்கையை கழிக்கும் மனோபாவம் இளைஞர்களிடம் இருக்கிறது. கல்வியினால் அறிவுறுத்தப் பட்ட கீழ்ப்படிதல் மற்றும் பணிவு போன்ற உயரிய கோட்பாடுகளிலிருந்து இத்தகைய மனப் பாங்கு முற்றிலும் மாறுபட்டது. தாங்கள் கற்றுக் கொண்ட புனிதமான கொள்கைகளை, சமுதாயத்தில் தங்களைச் சுற்றி இருக்கும் மக்களுக்குப் புகட்ட வேண்டும். புலிக்குட்டிகளைப் போலத் துள்ளி எழுந்து கிராமங்களில் படிந்து உள்ள மாசுக்களை அகற்றி சுத்தம் செய்ய வேண்டும். படிப்பறிவில்லாத கிராமத்து மக்களுக்கு கல்வியும் பயிற்சியும் அளித்து, அவர்கள் சீரான மற்றும் கண்ணியமான வாழ்க்கை வாழ்ந்திட வழி செய்ய வேண்டும். கிராமத்து மக்களோடு ஒன்றிணைந்து பணி ஆற்றி அவர்களை வழி நடத்தி முன்னேற்ற வேண்டும். இந்நாளில் இளைஞர்கள் வாழ்வின் உயர்ந்த இலட்சியங்களை பின்பற்றி,தங்களது சீரிய வாழ்க்கையின் மூலம் உலகிற்கு எடுத்துக் காட்டாக இருக்க வேண்டும்.