கரைந்து போகும் இந்த உடலின் மீது பற்று வைக்காது,இதை ஒரு கருவியாக பயன்படுத்துங்கள்.பஞ்ச பூதங்களின் இணைப்பால் உருவாக்கப் பட்ட, அழியக்கூடிய இந்த உடலிலிருந்து நீங்கள் தனிப்பட்டவர்கள் என்பதை உணருங்கள்.அழிக்க முடியாத ஆத்மா நீங்கள் என்பதை அறிந்து கொள்ளுங்கள். நீங்கள் வசிக்கும் வீடு எப்படி உங்களிலிருந்து தனிப்பட்டதோ,அதே போல,சில காலம் நீங்கள் வசிக்கும் இந்த உடலும், உங்களிலிருந்து தனிப்பட்டதே. இந்த உடல் தான் அனைத்து துக்கங்களுக்கும் அடிப்படைக் காரணம். அதை உங்களது கட்டளைகளுக்குப் பணிய வையுங்கள்; அதனுடைய ஆசைகளுக்குத் தலை வணங்கி, அவற்றைப் பின் பற்றாதீர்கள்.அதைக் கண்டிப்பான கட்டுப் பாட்டில் வைத்திருங்கள். வாழ்க்கை என்னும் ஓடையைக் கடக்கும் தோணியாக உடலைப் பயன் படுத்த வேண்டும். அதாவது, இறுதியான சத்தியத்தை உணரும் வரை, நீங்கள் இதனைப் பழுதடையாமல் பாதுகாக்க வேண்டும். மிதமான சாத்வீக உணவை சரியான நேரத்தில் உண்பதோடு, கட்டுப்பாட்டுடன் உடலாலான செயல்களைத் தொடர்ந்து செய்யுங்கள்.