தவறானவற்றிலிருந்து சரியானவற்றைக் கண்டு கொள்ளவும், சரியான பாதையை தேர்ந்தெடுக்கவும், கொடுக்கப்பட்ட சூழ்நிலையின் பல்வேறு அம்சங்களின் முக்கியத்துவத்தை தீர்மானிக்கவும் பகுத்தறிவு நமக்கு உதவுகிறது. பேரழிவை ஏற்படுத்தக் கூடிய அதை அணு சக்தியை பயனுள்ளதாக மின்சாரத்தைத் தயாரிக்கவும் உபயோகப் படுத்த முடியும். ஒரு படித்த மனிதன் இப்படிப் பட்ட விஷயங்களில் பகுத்து ஆராய்ந்து, சரியான பாதையைப் பின்பற்ற வேண்டும். ஆராய்ச்சி மற்றும் வளர்ச்சி வன்முறை மற்றும் அழிவுக்கு வழிவகுக்கக்கூடாது. ஞானமும், விவேகமும் கொண்ட ஒருவர், அவரிடம் செல்வமோ அல்லது பதவியோ இல்லாவிடினும் கௌரவிக்கப் பட்டு மதிக்கப் படுவார். ஒரு நபர் ஒரு சிறந்த கல்வியாளராகவோ, பிரபல விஞ்ஞானியாகவோ அல்லது ஒரு கோடீஸ்வரராகவோ இருக்கலாம், ஆனால் அவர் நுண்ணறிவு மற்றும் பகுத்தறிவு இல்லாதவராக இருந்தால், அவர் ஒருபோதும் ஆன்மீக ரீதியில் மலர முடியாது; தர்மம் (நீதி) மற்றும் அதர்மம் (அநீதி) ஆகியவற்றைக் கூட அவரால் வேறுபடுத்திப் பார்க்க முடியாது. எனவே, நீங்கள் ஒவ்வொருவரும் புத்தி கூர்மையின் சாதனைகளோடு திருப்தி அடைந்து விடாமல், ஞானத்தையும், விவேகத்தையும் வளர்த்துக் கொள்ள வேண்டும். நீங்கள், இந்த குணங்களை வளர்த்துக் கொண்டு நாட்டையும், உலகையும் மேம்படுத்த அவற்றைப் பயன்படுத்த வேண்டும்.