இருளில் கயற்றைப் பார்த்து, தவறாகவோ,அறியாமையினாலோ, கயிறு என்ற உண்மையை மறைத்து, அது பாம்பு போலத் தோன்றுகிறது. உண்மை தெரிந்த பின், பார்ப்பவர், ‘இது பாம்பு அல்ல, கயிறுதான்’ என உணர்ந்தவுடனேயே, வெறும் பொய்மை என்பதால்,பாம்பு மறைந்து விடுகிறது. எனவே, நமது உணர்வுகளோ அல்லது எண்ணங்களோதான் பாம்பை உருவாக்குகின்றன; அதை அழிக்கவும் செய்கின்றன. நினைவில் கொள்ளுங்கள், ‘இருக்கிறது என்பது ஒன்றை உருவாக்குகிறது; இல்லை என்பது அதை அழித்து விடுகிறது’. உங்கள் எண்ணம் எப்படியோ, அப்படியே நீங்கள் ஆகிறீர்கள். இரண்டுமே மனதில் ஏற்படும் ‘ எண்ணங்கள் ’ என்ற நிகழ்வுகளே. அஞ்ஞானத்தினால் ஏற்பட்டாலும், ‘ இந்த உலகம் நிஜமானதா?’ , ‘ உலகியலான இன்பங்களைத் தேடுவது சரிதானா?’ என்ற கேள்விகள் , நம்மை உட்புறத்திலிருந்து உருவாக்குகின்றன. மாயை மற்றும் அறியாமையை வெல்வதற்கு கீழ்க்கண்டவை பெரிதும் உதவுகின்றன; 1) ஆன்மீக முன்னேற்றத்தில் கவனம் செலுத்துவது 2) நிலையான நம்பிக்கை 3) பக்தி மற்றும் 4) இறைவனது அருள். இந்த நான்கில் எந்த ஒன்று இல்லை என்றாலும் பரமானந்த நிலையை அனுபவிக்க இயலாது.