அனைவரும், ஒரே இறைவனின் கர்ப்பத்திலிருந்து பிறந்தவர்களே. எவ்வாறு ஒரு பெரிய ஏரியில் பலவிதமான மீன்களும், தண்ணீர் விரும்பும் மிருகங்களும் நீந்திக் கொண்டு இருக்கின்றனவோ, அவ்வாறே பல தரப்பு மனிதர்களும், இறைவனின் சாகரத்தில் இயங்கிக் கொண்டு இருக்கின்றனர். இது ஒரு வியப்பூட்டும் காட்சியாகும். சிலர் வளர்ப்பு குன்றியவர்கள், சிலர் வளர்ந்து கொண்டு இருப்பவர்கள்; அவர்கள் பேராசை மற்றும் சுயநலத்துடன் நீந்திக் கொண்டு இருக்கின்றனர். இந்த அறியாதவர்களின் கூட்டத்திற்கு நடுவில், ஆன்மிகத்தில் மிகவும் முன்னேறிய ஒரு சில ஞானிகளும், யோகிகளும் இருக்கின்றனர். அவர்கள் அறியாதவர்களோடு கலந்து இருப்பதால், ஞானிகளை மற்றவர்களிடமிருந்து பிரித்துப் பார்ப்பது கடினமாகிறது. இரத்தத்தில் உள்ள சிவப்பு அணுக்களைக் கண்டு கொள்ள ஒரு மைக்ராஸ்கோப் தேவைப் படுகிறது; அதைப் போலவே, ஞானிகளைக் கண்டு கொள்ள ஒரு தனிப்பட்ட வழிமுறை தேவைப் படுகிறது. அந்த வழி முறை இடையறாத இறை நாமஸ்மரணையே (தியானம்) அன்றி, வேறில்லை.