இறைவனைப் பற்றிப் பேசாதவர்கள்,அவனைப் பற்றித் தெரியாமல் கூட இருப்பவர்கள்,உலக பந்தங்களைப் பெருக்கிக் கொள்வதிலும்,அவற்றை பலப் படுத்துவதிலும் முனைந்திருப்பவர்கள், பொய், அநீதி, அடக்குமுறை ஆகியவற்றைப் பரப்பி அவற்றைக் கடைப்பிடிப்பவர்கள், உங்களை தர்மத்தின் வழியில் செல்ல வேண்டாம் என்று அறிவுறுத்துபவர்கள் ஆகியோரை உங்களது நண்பர்களாகக் கருதாமல் இருப்பதோடு மட்டும் அல்லது, இப்படிப் பட்டவர்களை எப்பாடு பட்டாவது அடியோடு தவிர்க்க வேண்டும் என்பதை உணருங்கள். தீயவர்களோடு உறவு கொண்டிருந்தால்,அது உங்களை உங்களது மனச்சாட்சிக்கு எதிரான காரியங்களைச் செய்ய வைத்து, பேசக்கூடாத வார்த்தைகளைப் பேச வைத்து, செய்யக் கூடாத செயல்களைச் செய்ய வைத்து இறுதியில் நாசத்தில் பாதையில் வீழ்த்தி விடும். இறைவனுக்கோ , பாவம் செய்வதற்கோ அஞ்சாதவர்கள், எப்படிப் பட்ட கொடூரமான செயல்களையும் செய்யத் தயங்கமாட்டார்கள் என்பதில் எந்த ஆச்சரியமும் இல்லை. எனவே இறைவனுக்கும், பாவத்திற்கும் அஞ்சுபவர்களின் உறவை நாடுங்கள்; அதுவே உண்மையான நல்ல நட்பாகும்.