நீங்கள் தாற்காலிகமான இந்த வாழ்க்கையை உங்களது நிரந்தரமான இருப்பிடமாகக் கருதும் தவறைச் செய்யாதீர்கள். மறையக் கூடிய துன்பங்களையும்,சிறிது காலமே நிகழும் துயரங்களையும் கண்டு மனம் தளர்ந்து விடாதீர்கள். நிரந்தரமான இறைவனை அடையும் முயற்சியில் ஆழ்ந்து இருங்கள். இந்த உலகில் காணும் அனைத்தும் இன்றோ,நாளையோ அழியக் கூடியவைதான். உங்களுடன் ஸாஸ்வதமான உறவு கொண்டுள்ள இறைவனை விடுத்து,சில காலமே நம்முடன் இணைந்திருக்கும் உலகத்தினால் ஈர்க்கப் படுவது சரியல்ல. நீங்கள் எடுத்த பல பிறவிகள்,கணக்கற்ற தாய்,தந்தையர்கள், மனைவிகள், கணவன்மார்கள், மகன்கள், மகள்கள், நண்பர்கள், எதிரிகள் ஆகியவற்றை எண்ணிப் பாருங்கள். இவை அனைத்தும் இப்போது இருக்கின்றனவா ? அவர்களுக்கு அந்த உறவுகள் நினைவில் இருக்கிறதா? நீங்கள் அவர்களுக்கோ யாரோ, அவர்கள் உங்களுக்கு யாரோ ! ஆனால், இறைவன் உங்களுக்கும், அவர்களுக்கும் என்றும் மாறாத பொதுவான உறவினராக இருக்கிறார். அவர் அனைத்து பிறவிகள் முழுவதும் உடன் உள்ளார்;அவர் ஸாஸ்வதமானவர்.அவர் உங்களை ஒவ்வொரு பிறவியிலும் காத்து வருகிறார்.அவர் உங்களை கை விடுவதே இல்லை. இப்படிப் பட்ட இறைவனை மறப்பதை விட பெரிய அவலம் என்ன இருக்க முடியும்?