ஒவ்வொரு ஜீவனும் தன் இலக்கை அடைந்தே ஆக வேண்டும் என்பதே விதி. பல பிறவிகளில் சேர்த்து வைக்கப் பட்ட வினைகளின் பலனைப் பொறுத்தே இந்தப் பயணத்தின் காலம் மற்றும் அதில் எதிர் கொள்ள வேண்டிய தடைகள் அமைகின்றன. ஆன்மீகப் பாதையின் இலக்கை அடைவதற்கு, அந்தப் பாதையை வென்றவர்களின் துணை மிகவும் அவசியம். சீடருக்கும்,குருவிற்கும் இடையில் நெருங்கிய உறவு ஏற்படும் போது, இந்த வழிகாட்டுதல் ஒருவரது இதயத்திலிருந்து மட்டும் தான் மற்றொருவரது இதயத்திற்கு அனுப்ப இயலும். நூல்கள், விளக்கவுரைகள், வழிகாட்டிப் புத்தகங்கள் ஆகியவை சந்தேகங்கள், பேதங்கள் மற்றும் விவாதங்களை, ஏற்படுத்தத் தான் உதவும். விதண்டா வாதங்கள், குயுக்தி மற்றும் திறமைகளை மட்டுமே வளர்க்க முடியும். ஆன்மீகத் துறையில் உள்ளார்ந்த அனுபவங்கள் மட்டுமே தகுதி உள்ளவை. உள்ளுணர்வுகளிலிருந்து, ப்ரகாசமான தெளிவு நிலை பெற அஹங்காரம் மற்றும் அதனது தீமைகளாலான பல அடுக்குகளைத் துளைத்து, அவற்றை அழித்தாக வேண்டும். இந்தத் துணிகரப் பயணத்திற்கு குரு பெரிதும் உதவுகிறார். ஏனெனில் தனது இலக்கை எட்டிய ஒருவரால் தான், அதை நோக்கி பயணம் செய்பவருக்கு வழி காட்ட இயலும். குரு இல்லாத சீடர்,திசை மாறி அலைந்து திரிய நேரிடும்.