பயனற்றவற்றைப் பிரித்து நீக்கி விட்டு, விலை மதிப்புள்ளவற்றை எடுத்துக் கொள்வதற்கு உங்களது பகுத்தறிவைப் பயன் படுத்த வேண்டும். பிறருக்கு,தன்னலமற்ற சேவை செய்வதன் மூலம் புண்ணியத்தை சம்பாதியுங்கள். தீயவர்களிடமிருந்து விலகி இருந்து, உங்களைத் தூய்மைப் படுத்தி ,குணப்படுத்தும் நல்லவர்களின் நட்பை நாட வேண்டும். இவ்வாறு உங்களது இயல்பை மாற்றிக் கொள்ள முயலாமல், இறைவனிடமிருந்து அதிக கருணையை எதிர்பார்க்கிறீர்கள். உங்களது நிலையற்ற நம்பிக்கையை குறை கூறாது, இறைவனை குறை சொல்லுகிறீர்கள். இப்படிப்பட்ட நடத்தையால்,இறை அருளைப் பெற இயலாது. உங்களது நம்பிக்கை, இறைவனே உங்களை அவரது பக்தனாக ஏற்றுக் கொள்ளும் அளவிற்கு உண்மையானதாக இருக்க வேண்டும். நீங்கள் காலத்தால் கரைபவர்கள்; இறைவனோ காலத்திற்கே அதிபதி. எனவே, இறைவனிடம் அடைக்கலம் புகுங்கள். இறைவனே உங்களது குருவாக, வழியாக, பிரபுவாக இருக்கட்டும். அவரைப் போற்றுங்கள்,அவரது கட்டளைகளுக்கு அடி பணியுங்கள்,நன்றி கலந்த அஞ்சலி செலுத்துங்கள், உங்களது மனத்தில் அவரை இறுகப் பற்றிக் கொள்ளுங்கள். இது ஒன்றுதான்,உங்களது உண்மையான நிலையான இறைவனை எளிதாக உணரும் வழி.