மனம் எங்கு வேண்டுமானாலும் ஓடட்டும்; அது எங்கு போகிறது என்பதைக் கண்டு பிடிப்பதற்காக அதன் பின்னால் தொடர்ந்து செல்லாமல் இருப்பதில் கவனமாக இருங்கள்.அதன் விருப்பப்படி சிறிது நேரம் அலைந்து திரிந்து கொண்டு இருக்கும். விரைவில், அது களைத்து, சோர்வடைந்து போய், உங்களிடமே திரும்பி வந்து விடும்! அது, ஏதும் அறியாத ஒரு சின்னக் குழந்தை போன்றது. தாய், திரும்ப வருமாறு அழைத்துக் கொண்டே அதன் பின்னால் வருவதால், எந்தத் திசையிலும் ஓடுவதற்கான தைரியம் மற்றும் நம்பிக்கையை அது பெற்று விடுகிறது. ஆனால், தாய், குழந்தையின் பின்னால் செல்லாமல் விரைவாக திரும்பி விட்டால், குழந்தையும் கூடத் தானாகவே, தாயை நோக்கித் திரும்பி ஓடி வந்து விடும்! உங்களுக்குப் பிடித்த இறை நாம, ரூபத்தை, உங்களுக்குப் பழக்கமான விதத்தில், ஸ்மரணை மற்றும் தியானம் செய்வதைச் செய்து கொண்டே இருங்கள். இந்த விதத்தில், ஒரே முகமான மனக்குவிப்பை (ஏகாக்ரதா) அடைந்து, உங்களது இதயத்தின் விருப்பங்களைப் பெறுவீர்கள்.