இல்லற வாழ்க்கை, வீடு,நிலம் மற்றும் பல்வேறு விதமான சொத்துக்களைத் துறப்பது தான் தியாகம் என்று பொதுவாக மக்கள் நினைக்கிறார்கள். ஆனால் இது தியாகமே அல்ல! இது எளிதாகச் செய்யக் கூடியது. ஆசைகளைத் துறப்பதே செய்ய வேண்டிய ஒன்று. அதுவே,உண்மையான தியாகம்! நீங்கள் மனித வாழ்க்கையின் குறிக்கோளை உணர வேண்டும். வெறும்,உண்டு, குடித்து, உல்லாசமாக இருப்பதற்காக மட்டுமே நாம் பிறக்கவில்லை. இந்த மனிதப் பிறவி, நம்முடன் உள்ள பிற மனிதர்களுக்கு சேவை செய்வதற்காகவே கொடுக்கப் பட்டுள்ளது. நாம் எவருக்கும் தீங்கு இழைக்கக் கூடாது. நாம் ஸதா ஸர்வகாலமும், ‘எப்போதும் உதவி செய்; ஒரு போதும் தீங்கிழைக்காதே’ என்ற கொள்கையைக் கடைப் பிடிக்க வேண்டும்.