நீங்கள் ஒவ்வொருவரும் முடிவில் முழுமையான நிலையை அடையத்தான் போகிறீர்கள்.நீங்கள் தற்சமயம் ஒரு குறிப்பிட்ட நிலையில் இருக்கிறீர்கள் என்றால், அதற்குக் காரணம் ,நீங்கள் முற்பிறவிகளில் செய்த செயல்கள் மற்றும் முன்பு கொண்டிருந்த உணர்வுகள் தான். உங்களது எதிர்காலம் தற்போது நீங்கள் ஆற்றுகின்ற செயல்கள் மற்றும் அவற்றை செய்யத் தூண்டும் மற்றும் உருவாக்கும் உணர்வுகளினால் தான் கட்டப் படுகிறது. ஒரு பண்டிதர்,பகவத்கீதைக்கு விவரமான விளக்க உரைகள் எழுதக் கூடும். ஆனால், இப்படிப் பட்ட படிப்பினால், அவர், தனது குணம்,நடத்தை மற்றும் செயல்கள் பகவத் கீதையின் நல்லுரைகளில் தோய்ந்திருப்பதை எடுத்ததுக் காட்டா விட்டால், இந்த பாண்டித்யம், அவருக்கு வெறும் சுமையாக ஆகி விடும். எனவே, நீங்கள் கற்பதை எல்லாம், உங்களது மூளைக்கானத் தீனியாகக் கருதாதீர்கள். இவை உங்களுக்கு நிலையான பேரானந்தத்திற்கு இட்டுச் செல்ல வேண்டும். பொறாமை,படாடோபம், அஹங்காரம் போன்ற தீய குணங்களை உங்களிடமிருந்து விரட்டி அடிக்கப்பட வேண்டும்.