அன்பை வளர்த்துக் கொள்ளுங்கள். நாம் இந்த உலகத்திற்கு வரும்போது, அன்பு மட்டுமே நம்முடன் வருகிறது.அன்பிலிருந்து சத்யம் உருவாகிறது.அன்பும் ,சத்யமும் ஒன்று சேரும்போது, மனிதத்தன்மைக்கு சக்தி கிடைக்கிறது.மனித வாழ்க்கை என்ற மாளிகையை ,தன்னம்பிக்கையை அஸ்திவாரமாகவும், தன்னிறைவை தூண்களாகவும்,த்யாகத்தை கூரையாகவும் கொண்டு கட்ட முடியும். அப்போது மட்டும் தான் இந்த வாழ்க்கையில் தன்னையே உணர்தல் என்ற நிலையை அடைய இயலும். நீங்கள் தன்னம்பிக்கையுடன் தொடங்குங்கள்.அது இல்லாமல் உங்களுக்கு வாழ்க்கையில் மகிழ்ச்சி கிடைக்காது. தன் மீதே நம்பிக்கை இல்லாதவனால் எவ்வாறு மற்றவர்கள் மீது நம்பிக்கை வைக்க முடியும்? எதை எடுத்தாலும் சந்தேகப் படாதீர்கள். சந்தேகம் வாழ்க்கைக்கு ஆபத்தை உண்டாக்கும்; சந்தேகப் பிறவியால் வாழ்க்கையில் எதையும் சாதிக்க இயலாது. நம்பிக்கையை வளர்த்துக் கொள்ளுங்கள். தீய குணங்களை விட்டொழித்து,சீரிய மற்றும் ஆனந்தமான வாழ்க்கையை நடத்துங்கள். மனிதத்தன்மை,தூய்மையான இதயத்தில் மட்டுமே பரிமளித்து, பரிபூரணம் அடைகிறது.