அனைத்து ஜீவராசிகளும் இந்த நாடக மேடையின் நடிகர்களே.திரை மூடியவுடனேயோ அல்லது அவர்களது பாத்திரம் முடிந்தவுடனேயோ, வெளியேறி விடுவார்கள். அந்த மேடையில், ஒருவர் ஒரு திருடனாகவோ, மற்றொருவர் ஒரு அரசனாகவோ, மூன்றாமவர் கோமாளியாகவோ மற்றும் ஒருவர் ஒரு பிச்சைக்காரனாகவோ பாத்திரம் ஏற்று நடிக்கக் கூடும். இந்த நாடகத்தின் அனைத்து பாத்திரங்களுக்கும், ஒரே ஒருவர் தான் நினைவுட்டுபவராக இருப்பார்! இப்படி உந்துதல் அளிப்பவர், மேடைக்கு வந்து அனைவருக்கும் தெரியும் படி நினைவூட்ட மாட்டார். அவர் அப்படிச் செய்தால், நாடகம் எவருக்கும் ரசிக்கும் படி இருக்காது. எனவே, மேடையில் திரைக்குப் பின் நின்று கொண்டு, அவர்களது பாத்திரம் என்னவாக இருந்தாலும், அனைத்து நடிகர்களுக்கும், அது வசனமோ, பேச்சா அல்லது பாட்டோ- ஒவ்வொருவருக்கும் அவர்களுக்கு மிகவும் தேவைப் படும் போது, நினைவூட்டுவார். அதைப் போலவே, இறைவனும், ப்ருக்ருதி ( படைப்பு ) எனும் மேடையில் திரைக்குப் பின் நின்று கொண்டு, அனைத்து நடிகர்களுக்கும், அவர்களது பாத்திரங்களுக்கு ஏற்றபடி நினைவூட்டுகிறார்.