நீங்கள் இன்றிலிருந்தே சத்தியத்தைப் பின்பற்றினீர்கள் என்றால், நீங்கள், கண்டிப்பாக, இந்த தேசம் அனைத்திற்கும் ஒரு இலட்சிய மனிதராகி விடுவீர்கள். சத்தியம் என்றால் என்ன? இறைவனது சொல்லே சத்தியம். எனவே, நீங்கள் ஸர்வ கர்மா பகவத் ப்ரீத்யார்த்தம் (அனைத்து செயல்களும் இறைவனை மகிழ்விப்பதற்காக மட்டுமே) என்ற உணர்வோடு பேசிச் செயல் பட்டால், அனத்தும் சத்தியம் ஆகி விடும். உங்களிடமிருந்து வெளிப்படும் ஒவ்வொரு சிந்தனை மற்றும் உணர்வும் உங்களது அக சத்தியத்தின் ஒரு பிரதிபலிப்பே. துரதிருஷ்ட வசமாக, நாக்கின் முறையற்ற பயன்பாட்டால், அது பொய்மையாக மாறி விடுகிறது. நாக்கு, ஐம்புலன்களில் ஒன்று.புலன்களே நம்முள் ஏற்படும் மாற்றங்களுக்கான காரணம்; அவைகளே நாம் செய்யும் புண்ணியம் அல்லது பாவத்திற்குப் பொறுப்பானவை. ஹிம்ஸா (வன்முறை) என்பது பிறரைத் துன்புறுத்துவது அல்லது காயப்படுத்துவது என்பது மட்டும் அல்ல; உண்மையில் ஒருவர் தனது வார்த்தைகளுக்கு மாறாக செயல்படுவதும் கூட வன்முறையே. இதை எப்போதும் நினைவில் கொள்ளுங்கள்; நமது நாக்கை ஒரு புனிதமான முறையில் பயன்படுத்துவதை விட சிறந்த, அஹிம்ஸையின் கடைப்பிடிப்பு வேறு எதுவும் இல்லை.