ப்ரேமை மற்றும் ஒத்துழைப்பின் சூழ்நிலையை வளர்த்துக் கொள்ளுங்கள்; நீங்கள் நிரந்தரமான ஆனந்தத்தை மேலும் உறுதி செய்ய முடியும். பொது நன்மைக்காக இணைந்து பணியாற்றும் வழிகளை நாடுங்கள். அஹங்காரம் மற்றும் மமகாரம் – அதாவது ‘’ நான்’’, ‘’ எனது ‘’ , இவையே ப்ரேமை மற்றும் ஒத்துழைப்பைத் தடுக்கின்றன. இவற்றை முடிந்த அளவு குறைத்துக் கொண்டு, பின்னர், ஏழைகளுக்கும், துன்புற்றவர்களுக்கும் சேவை செய்யத் தொடங்குங்கள். சேவையை, தத் த்வம் அஸி ( அது நீயே தான்) என்பதன் வலுவான அஸ்திவாரத்தின் மீது தான் சிறப்பாக அமைக்க முடியும். மற்றவர் என்று எதுவுமே இல்லை, இருப்பது ஒன்றே ஒன்று தான். பல பட்டங்கள் உயரப் பறக்கின்றன; ஆனால் ஒரே காற்றுதான் அவை அனைத்தையும் உயர்த்தி வைக்கிறது. சூரியன் பிரதிபலிக்கும் பானைகளில் இருக்கும் நீர் பலவாக இருக்கலாம்; ஆனால், அந்தப் பானைகள் உடைந்தாலோ அல்லது அந்த நீர் வற்றி விட்டாலோ, சூரியன் எந்த பாதிப்பும் இன்றி இருக்கிறது. எனவே, நீங்கள் அளிக்கும் உதவி அனைத்தும், உங்களுக்கே அளித்துக் கொண்ட உதவி தான் என்பதைப் புரிந்து கொள்ளுங்கள்; அனைத்து சேவையும் ஆத்மாவிற்கு மட்டுமே.